Aadu Mayiley


Page 72 of the Sivathondan Society 1997 Tamil edition of Natchintanai

  • Genre: natchintanai Deity:
  • Artists: Mrs. Meena Thavaratnam
  • Original Script

    ஆடுமயிலே

    ஆடுமயிலே பணிந் தாடுமயிலே
    ஆண்டவனைக் கண்டுதெளிந் தாடுமயிலே

    வீடுநமக் கெப்போதும் சொந்த மென்றே
    வீணாசைப் படுவதெல்லாம் பந்த மென்றே
    கூடுவிட் டுயிர்போமுன் கும்பிட்டுக் கொண்டே
    குழைந்து குழைந்துநின் றாடுமயிலே (ஆடுமயிலே)

    பொறிவழி போம்மனத்தை அடக்கிக் கொண்டே
    பூரண நிட்டையிலே மடக்கிக் கொண்டே
    அறிவறி யாமையிரண்டும் நாமல்ல வென்றே
    ஆனந்தமாய்ப் பணிந்தெழுந் தாடுமயிலே (ஆடுமயிலே)

    எவ்வுயிருந் தன்னுயிர்போல் எண்ணிக்கொண்டே
    இரந்திரந் தைந்தெழுத்தைப் பன்னிக் கொண்டே
    ஔவியம்பொ றாமைகோபம் அகற்றிக் கொண்டே
    ஆண்டவனைக் கண்டுதெளிந் தாடுமயிலே (ஆடுமயிலே)

    ஒருபொல்லாப்பு மில்லையென்ற புத்தியைக் கேட்டே
    ஓம்சிவாய நமவெனச் செபித்துக் கொண்டே
    குருநாதன் திருவடியைக் கும்பிட்டுக் கொண்டே
    கூடிக்க ளித்துநின் றாடுமயிலே (ஆடுமயிலே)

    தேசகாலம் யாவையும் மறந்து நின்றே
    சிறுபிள்ளையைப் போலமனம் சிறந்து கொண்டே
    பேசவுமறி யாமற்பேய்க் கோலங் கொண்டே
    பெருமானைப் பார்த்துநின் றாடுமயிலே (ஆடுமயிலே)



    Photo of  Gurudeva
    This week look at everyone you meet, and feel, from your finger tips right down to your toes, love welling up from your deepest resources and radiating out to them through every cell of your body and especially through your face.
    —Gurudeva