591. § | ஊக்கமுடையவர்களே யாவற்றையும் பெற்றவர் ஆவார். அது இல்லாதவர் வேறு எதைப் பெற்றிருப்பினும் எதனையும் பெறாதவரே யாவர்.§ |
592. § | உள்ளத்தில் ஊக்கம் இருத்தலே நிலையான சொத்து. மற்றும் பொருட் சொத்து நிலைபெறாது நீங்கும் இயல்பினது.§ |
593. § | அயராத முயற்சியைக் கைப் பொருளாக உடையோர் எமது உடைமைகளை இழந்தோம் என மனம் கலங்கிக் கூறமாட்டார்.§ |
594. § | மனம் தளராத ஊக்கம் உடையவர்களிடத்துச் செல்வம் தானாகவே வழி கேட்டுச் சென்றடையும்.§ |
595. § | தாமரைத் தண்டின் நீளம் நீரின் ஆழத்தின் அளவினதாக இருத்தல் போல் மக்கள் அடையும் உயர்வும் அவரவரின் ஊக்கத்தைப் பொருத்தது.§ |
596. § | எண்ணுவதெல்லாம் உயர்வைப் பற்றிய எண்ணங்களாக இருத்தல் வேண்டும். உயர்நிலை கிட்டாவிட்டாலும் அதனைத் தோல்வியாகக் கருதலாகாது.§ |
597. § | அம்பு மழையால் உடல் எல்லாம் புண்பட்ட போதும் எதிர்த்து நிற்கும் யானை போல் நல்லூக்கம் உடையார் கேடு வந்து வருத்தும் காலத்திலும் துணிவிழந்து நிற்கமாட்டார்.§ |
598. § | உலகத்தில் நாம் கொடை வள்ளல் என்று பெருமையுடன் உணரும் மன எழுச்சியை ஊக்கம் இல்லாதவர் அனுபவிக்க இயலாது.§ |
599. § | பெரிய உடலும் கூரிய தந்தங்களையும் உடைய யானை கொடிய புலி துணிந்து வந்து தாக்கும் போது அது அஞ்சி நிற்கும்.§ |
600. § | ஒருவருக்கு உறுதியான மனத் தைரியம் என்பது அளவு மிகுந்த ஊக்கம். அது இல்லாதவர் மக்களாகார், மரங்களே ஆவர்.§ |