581. § | திறன்மிக்க ஒற்றர், மதிப்புக்குரிய நீதிநூல்கள் இவை இரண்டும் அரசனின் கண்களாகக் கொள்க.§ |
582. § | நாள் தோறும் எல்லா மக்களிடத்தும் நிகழ்வன எல்லாவற்றையும் விரைவில் அறிவது அரசனின் கடமையாகும்.§ |
583. § | உளவு பார்ப்போர் தரும் இரகசியச் செய்திகளை ஆராயாது அரசன் என்றுமே வெற்றியை ஈட்ட முடியாது.§ |
584. § | செயலாற்றும் பணியாளர் தம் உற்ற உறவினர், தம் பகைவர் போன்ற அனைவரையும் ஆராய்ந்து அறிதல் உளவாளிகளின் முறைதவறாக் கடமையாகும்.§ |
585. § | சந்தேகம் ஏற்படுத்தாத மாறுவேடம், அகப்படின் அஞ்சா நெஞ்சம், இரகசியங்களைக் காட்டிக் கொடாத இயல்பு என்பன உடையவனே ஆற்றல் மிக்க உளவாளி.§ |
586. § | துறவிவேடம் பூண்டு முற்றுமுழுதாக ஆராய்ந்து எது நிகழினும் தன்னைக் காட்டிக் கொடாதவனே வல்லமைமிக்க உளவாளியாவான்.§ |
587. § | ஓர் உளவாளி அந்தரங்கச் செய்திகளை அறிந்து, அறிந்தவை யாவும் சந்தேகிக்க இடமற்றவை என உறுதிப் படுத்திக் கொண்டு செயலாற்றுதல் வேண்டும்.§ |
588. § | ஓர் உளவாளி தரும் செய்தியை நம்பு முன்னர் பிறிதோர் உளவாளி தரும் செய்தியுடன் ஒப்புமை பார்த்து அறிந்து கொள்ள வேண்டும்.§ |
589. § | உளவறிவோர் ஒருவரை ஒருவர் அறியாதவாறு விடுக. அவ்வாறு சென்ற மூவர் வந்து கூறுவனவற்றில் ஒப்புமை காணின் அதனை ஏற்றுக் கொள்க.§ |
590. § | உளவாளிகளின் ஆற்றலைப் பிறரறியப் பாராட்டலாகாது. அவ்வாறு செய்யின் தம் அறிதற்கரிய அந்தரங்கச் செய்திகளை வெளிப்படுத்தலாகிவிடும்.§ |