31. § | அறமானது விண்ணிற் சிறப்பும் மண்ணிற் செல்வமும் தருமாதலின் மனிதனுக்கு அறத்தினும் அதிக பயன் தருவது எது?§ |
32. § | அறத்தினும் சிறந்த பயன் தரவல்லது வேறெதுவுமில்லை அறத்தைக் கைவிடின் அழிவைத் தருவதும் வேறெதுவுமில்லை.§ |
33. § | நற்செயல்களைச் சளைக்காது செய்து விடுக, வாய்ப்புக் கிடைக்கும் போதெல்லாம் இயலும் வகையில் ஆற்றி விடுக.§ |
34. § | மனம் தூய்மையைப் பேணுதலே அறச்செயல். மற்றெல்லாம் அறச்செயலன்றி வீண் வெளி ஆடம்பரமே.§ |
35. § | பொறாமை, கோபம், பேராசை, வன்சொல் எனும் இந்நான்கும் விலக்கி வாழ்வதே அறநெறி எப்படும்.§ |
36. § | நாளை செய்வோம் எனப் பின்போடாது இக்கணமே அறம் செய்க. அதுவே உடல் அழியுங்கால் தான் அழியாது உயிர்க்கு உறுதுணையாகும்.§ |
37. § | பல்லக்கில் செல்பவனுக்கும் அதனைச் சுமப்பவனுக்கும் உள்ள வேறுபாடே அறநெறியால் வரும் பலாபலனைத் தானாகவே உணர்த்தும்.§ |
38. § | அறச்செயல் புரியா நாளே இல்லை எனும்படி நல்லனவே செய்க. அது மறுபிறவிக்குச் செல்லும் வழியை அடைக்கும் பாறாங்கல் ஆகும்.§ |
39. § | அறச் செயலால் விளைவதே உண்மை இன்பம். மற்றைய எல்லாம் போலிகளே, அவற்றால் புகழுமில்லை.§ |
40. § | அறச்செயலே ஒருவன் வாழ்வில் செய்ய வேண்டியது. மறச்செயலே அவன் விலக்க வேண்டியது.§ |