881. § | சுகம் தரும் மர நிழலும் குள நீரும் நோய்க் கிருமி இருந்தால் துன்பம் தரும். அவ்வாறு உறவினர் கெடுதி விளைத்தால் துன்பம்தான் விளையும்.§ |
882. § | வாள்போல் வெளிப்படையான பகையைக் கண்டு அஞ்சத் தேவையில்லை. ஆனால் உறவினர்போல் நடிக்கும் உட்பகைக்கு அஞ்சுதல் வேண்டும்.§ |
883. § | உட்பகைக்கு அஞ்சி உம்மைக் காத்துக் கொள்க. இன்றேல் தொல்லைகள் வருங்காலம் அது குயவனின் மட்கலம் அறுக்கும் கருவி போலத் தப்பாது பெரிய காயம் உண்டாக்கும்.§ |
884. § | எவளியில் தெரியாத உட்பகை மனத்தில் மட்டும் மறைந்திருக்கும் என்றாலும் உற்றார் உறவினருள் அது தொல்லைகள் பல விளைவித்துவிடும்.§ |
885. § | உறவினருள் மறைந்திருக்கும் உட்பகை துன்பங்கள் மட்டுமல்ல, உயிருக்கும் முடிவைக் கொண்டு வரும்.§ |
886. § | தம் உற்றார் உறவினருடன் பகைமை தோன்றினால் அப்பகையினால் எந்நாளும் கெடாமல் இருப்பது அரிது.§ |
887. § | பாத்திரமும் மூடியும் போலப் பொருந்தி ஒற்றுமை இருப்பது போல் தோன்றினும் உட்பகை உள்ள வீட்டில் மனப்பொருத்தமே இருக்காது.§ |
888. § | அரத்தால் தொடர்ந்து தேய்ப்பதால் இரும்பு வலி இழத்தல் போல இடையறாத பூசலினால் ஒரு குடும்பத்தின் பலம் படிப்படியாக தேய்ந்து அழியும்.§ |
889. § | உட்பகையால் ஏற்படும் பிளவு முதலில் எள்ளின் அளவாக இருந்தாலும் அது குடியையே அழிக்க வல்லது.§ |
890. § | ஒற்றுமையாகச் சேராத மக்களுடன் வாழ்தல் ஒரு குடிசையுள் கொடிய நாகத்துடன் வாழ்தலைப் போல் ஆகும்.§ |