501. § | அறம், பொருள், இன்பம், உயிருக்கு உண்டாகும் ஆபத்து என்ற இந்த நால்வகை இயல்புகளின் திறத்தைத் தீர ஆராய்ந்து உணர்ந்தவனையே பணியில் அமர்த்த வேண்டும்.§ |
502. § | நல்ல குடும்பத்திற் பிறந்து குற்றம் எதுவும் செய்யாமல், பழிபாவங்களுக்கு அஞ்சும் இயல்புடையவனையே நம்பிக்கையுள்ளவனாகத் தேர்வு செய்து கொள்ளல் வேண்டும்.§ |
503. § | படிப்பதற்கரிய நூல்களைக் கசடறக் கற்று நற்குணமுள்ளோரிடத்தும் நுணுகி ஆராய்ந்து நோக்கின் சற்றேனும் அறியாமை இல்லாமல் போகாது.§ |
504. § | ஒருவனிடத்துக் காணப்படும் நற்குணங்களையும் குற்றங்களையும் சீர்தூக்கி ஆராய்ந்து அவற்றுள் மிகைபட உள்ள குணத்தாலேயே அவரை மதிப்பிடுக.§ |
505. § | ஒருவரை மக்கள் போற்றும் குணநலன்களுக்கும் தூற்றும் ஒழுக்கக் கேடுகளுக்கும் உரைகல்லாக அமைவது அவரவர் செயல்களே ஆகும்.§ |
506. § | உற்றார் உறவினர் இல்லாதாரைப் பேணிப் பழகுவதை ஒழித்துக் கொள்க, அவர்கள் உலகத்தோடு ஒட்டி வாழாதவராயின் எவ்வித பழிச் செயலிலும் ஈடுபடத் தயங்க மாட்டார்.§ |
507. § | அறியவேண்டியனவற்றை அறியாதவரை அன்பின் விளைவாக நம்பிக்கை வைத்து ஒழுகுதலால் எல்லா விதமான அறியாமையும் வந்து சேரும்.§ |
508. § | அறியாத ஒருவனை ஆராயாது ஒருவர் தொடர்பு கொண்டால் அவருக்கு மட்டுமல்ல வாழையடி வரும் அவர் சந்ததிக்கும் தீராத துன்பம் வந்து கொண்டிருக்கும்.§ |
509. § | எவரையும் பற்றி ஆராய்ந்து அறியாது நம்பிக்கை கொள்ளலாகாது. அவரை தெளிந்து அறிந்த பின்பும் நம்பக் கூடிய காரியங்களை மட்டுமே அவரிடம் ஒப்படைத்து விடுக.§ |
510. § | ஆராய்ந்து அறியாது ஒருவர் மீது நம்பிக்கை கொள்வதும் அவ்வாறு ஏற்றுக் கொண்டவர் மீது சந்தேகப்படுவதும் தீராத துன்பம் வரும்.§ |