461. § | செயல்களைத் தொடங்கு முன் அதனால் விளையும் நன்மை, கேடு, பின்னை வரும் ஊதியம் என்பனவற்றைத் தீர ஆராய்ந்து இறுதியில் செயற்பட வேண்டும்.§ |
462. § | காரியத்தைத் தொடங்கு முன், தேர்ந்தெடுத்த மக்களுடன் ஆராய்ந்து பின் தனித்திருந்து சிந்தித்துச் செயலாற்றுவோருக்கு எய்துவதற்கு அரியது எதுவுமேயில்லை.§ |
463. § | அறிவுள்ளோர் பின் வருஞ் செல்வத்தை நோக்கமாகக் கொண்டு கையிலிருக்கும் மூலதனத்தை இழக்குஞ் செயல் எதனையும் புரியார்.§ |
464. § | தமக்கு அவமானம் ஏற்படுவதை அஞ்சுபவர் மனத் தெளிவில்லாமல் எக் கருமத்தையுஞ் செய்யத் துணியார்.§ |
465. § | தீர ஆராய்ந்த உபாயமின்றிச் செயலாற்ற முற்படுதல் அது பகைவரின் வலிமையை நிலை பெறச் செய்வதற்கு ஒப்பாகும்.§ |
466. § | செய்யத்தகாததைச் செய்யின் அது அழிவைக் கொண்டு வரும். செய்ய வேண்டியதைச் செய்யாவிடின் அதுவும் அழிவே கொண்டு வரும்.§ |
467. § | சீராகச் சிந்தித்த பின்பே செயலாற்ற முற்பட வேண்டும். தொடங்கிய பின்பு சிந்திப்போம் என்பது மடமையாகும். § |
468. § | முறையாக மேற்கொள்ளாத எச்செயலும் நிறைவாக முற்றுப் பெறாது. பின் பலர் கூடி நிறைவுறச் செய்ய முயலினும் குறையுள்ளதாகவே இருக்கும்.§ |
469. § | ஒவ்வொருவன் சுபாவத்தையும் அறிந்து அதற்கு ஏற்ப ஒழுகாவிடின் நல்லனவற்றைச் செய்யும் போதும் அவை கெடுதியானவையாக அமையலாம்§ |
470. § | பிறர் இகழாத வகையில் செயலாற்ற வேண்டும். பொருத்தமற்ற வகையில் செயலாற்றின் உலகம் அதனை ஏற்றுக் கொள்ளாது.§ |