321. § | ஏனைய தீச் செயல் யாவற்றுக்கும் கொலையே வழி வகுப்பதால் பிற உயிர்களைக் கொல்லாமையே அறச் செயலாகும்.§ |
322. § | இருக்கும் உணவை மற்றையோருடன் பகிர்ந்து உண்டு உயிர்களைக் காப்பாற்றுதல் அறநூல்கள் தொகுத்துச் சொன்ன அறச்செயல்கள் யாவற்றுள்ளும் தலையானது.§ |
323. § | கொல்லாமை அறங்கள் எல்லாவற்றுள்ளும் தலையானது. பொய்யாமை எனும் தர்மம் அதனை அடுத்ததாக அமையும்.§ |
324. § | நல்வழி எனப்படுவது யாதெனில் பிற உயிர்களைக் கொல்லுதலைத் தவிர்க்கும் வழி உணர்த்துகின்ற வாழ்க்கை நெறியே ஆகும்.§ |
325. § | மறுபிறவிக்குப் பயந்து உலக வாழ்வைத் துறத்தலினும் அதிசிறந்தது கொலைப் பழிக்குப் பயந்து கொல்லா விரதம் மேற்கொள்ளல் ஆகும்.§ |
326. § | உயிர்களைக் கவரும் மரணம் கொல்லா விரதம் மேற்கொண்டோரின் வாழ்நாளைத் தீண்டாது.§ |
327. § | தன் உயிரைக் காப்பதற்கான நிலை ஏற்படினும் பிற உயிர்களைக் கவரும் செயல்களைச் செய்யற்க.§ |
328. § | கொலை செய்வதனால் சிலர் பெரும் செல்வமும் நன்மையும் பெறுகின்றனர், எனினும் மதிநுட்பமுள்ளோர் அத்தகைய நன்மையை வெறுத்து ஒதுக்குவர்.§ |
329. § | கொலைத் தொழிலைச் செய்யும் கீழ் மக்கள் அவர் கீழ்மையை உணர்ந்தார் மனதில் அவர் புலையர் எனக் கருதப்படுவர்.§ |
330. § | நோய்வாய்ப்பட்ட உடலுடன் சீர் கெட்டு வறுமையுற்றோரை இவர் முற்பிறவியில் ஒருகால் பிறவுயிரைக் கொன்றவர் என்பர்.§ |