201. § | ஆணவம் தரும் பாபச் செயல்புரிய அறிவுடைய நல்லோர் அஞ்சுவர், தீயோர் அதற்கும் அஞ்சார்.§ |
202. § | தீயனவற்றிலிருந்து மேலும் தீயன விளைகின்றனவாதலின் தீய செயல்கள் நெருப்பினும் கொடியது என அஞ்சப்படும்.§ |
203. § | தம் பகைவர்க்கு கேடு செய்யாது தவிர்த்தல் பரம விவேகமாகும்.§ |
204. § | தரும நெறியை மறந்தோரே மாற்றானுக்குக் கேடு செய்வர். அங்ஙனம் சதி செய்வோருக்கு அறக்கடவுள் கேடு சூழும்.§ |
205. § | "நாம் வறியர்" என்று சொல்லித் தீயவழியில் பிறர் பொருள் கவரக் கூடாது. கவர்ந்தால் அச்செயல் அவர்களை மேலும் வறியர் ஆக்கிவிடும்.§ |
206. § | தமக்கு இடுக்கண் தரும் துன்பத்தினின்று தப்ப விரும்புவோர், பிறருக்குத் துன்பம் செய்வதைத் தவிர்த்துக் கொள்ளல் வேண்டும்.§ |
207. § | வெறுப்பு நிறைந்த பகைவனிடமிருந்து தப்பினும் தப்பலாம். ஆனால் ஒருவனின் வெறுப்பு நிறைந்த செயல்களே அவனைத் துரத்திச் சென்று அழித்துவிடும்.§ |
208. § | ஒருவனின் நிழல் அவன் பாதங்களை விடாது தொடருவது போல, பாபச் செயல்கள் அவனை விடாது தொடர்ந்து அழிக்கும்.§ |
209. § | தன் மீதே ஏதும் பற்றுடையவனாயின், எத்துணைச் சிறியனவாயினும் தீய செயல்களுக்கு அவன் இடமளித்தலாகாது.§ |
210. § | அறநெறியிலிருந்து வழுவாது, தீயதும் இழைக்காமல் இருந்தால் மக்கள் ஆழிவுக்கு ஆளாகார் என்பது உறுதி,.§ |